"Бевертек Технологи" ХХК нь 2004 онд үүсгэн байгуулагдсан .
Үүсэн байгуулагпсан цагаасаа өнөөг хүртэл Төлбөр тооцооны автоматжсан системийг орчин үеийн мэдээллийн техник технологид тулгуурлан хөгжүүлж мөн шинэ төрлийн бүтээгдэхүүн, өвөрмөц дизайн бүхий төхөөрөмжийг нэвтрүүлж, үйлчилгээгээ монголдоо төдийгүй дэлхийн олон оронд хүргэн ажиллаж байгаа билээ.
Цаашдаа харилцагч байгууллага, түншүүдийнхээ хэрэгцээ шаардлагад бүрэн нийцсэн, улам чанартай, найдвартай үйлчилгээг хүргэх зорилготойгоор “Сайнаас улам сайн руу хамтдаа хөгжицгөөе” гэсэн уриан дор ажиллаж байна.

Компанийхаа үйл ажиллагаанд шударга харьцаа, ажлын болон түншлэлийн сайн харилцаа, шинийг санаачлан нэвтрүүлж байх, зөв зохистой үзэл хандлагыг баримтлаж харилцан ашигтай хамтран ажиллах нөхцөлийг бүрэн бүрдүүлдэг.


Бидний хэтийн зорилт
 Мэдээлэл технологийн хөгжил асар хурдацтай өөрчлөгдөж буй нийгэмд цаашдаа бид эрхэм зорилгодоо нийцүүлэн мэргэжлийн болон бизнесийн ур чадавхиа улам бүр нэмэгдүүлэх замаар мэдээлэл технологийн салбарт бодит өөрчлөлт шинэчлэлтийг гаргасан нэр хүндтэй компаниудын нэг болон өргөжинө.
Мөн дэлхийн стандартад нийцсэн бүтээгдэхүүн үйлчилгээг хүргэхээр тууштай ажиллах чин эрмэлзлэлтэй.



Бид өөрсдийн боловсруулж буй программ хангамждаа:
                            Нэгдсэн мэдээллийн сантай
                            Нууцлалт хамгаалалт найдвартай хангагдсан
                            Программ хангамжийн оновчтой шийдэл
                            Хамгийн сүүлийн үеийн дэвшилтэт технологи
                            Ашиглахад хялбар, энгийн, ойлгомжтой байх
                            Хүний хүчин зүйлээс шалтгаалдаг эрсдлийг багасгах зэрэг үндсэн шаардлагуудыг тусгадаг.
 
Гадаад хамтын ажиллагаа
"Бевертек Технологи" ХХК нь үйл ажиллагаагаа явуулж эхэлсэн үеэс гадаад харилцаагаа бэхжүүлэхэд ихээхэн анхаарч ирсэн бөгөөд Америкийн NCR, Supermicro, Verifone, Хятадын GRGBanking зэрэг гадаадын компаниудтай хамтын ажиллагаагаа амжилттай хөгжүүлж байна. Тухайлбал Verifone, GRG Banking компаниудтай хамтран мэргэшил дээшлүүлэх сургалтыг Монголд зохион байгуулсан.
 
Канадын Bevertec CST Inc компанитай байгуулагдсан цагаасаа хамтран ажиллаж , тус хамтын ажиллагааны хүрээнд бид хамтран Монгол Банкны төлбөр тооцооны систем төвийг байгуулсан түүхтэй.
Мөн Казакстан, Узбекстан, Киргизстан, Азейрбайжин, Тажикстан, болон Африкийн зарим орнуудад программ хангамж болон тоног төхөөрөмжийг суурилуулах үйлчилгээг  хүргэдэг.